Ehtiyot bo'ling!

Iyd ul Adha Mubarak!

Fri, 27 Nov 2009 03:56:24 GMT

Iyd ul Adha Mubarak!

Skolarini oyligi qancha? :-)

Wed, 25 Nov 2009 10:19:03 GMT

"Chempion" gazetasi, 47-sonidan olindi.

Uz Wiki

Mon, 23 Nov 2009 10:32:46 GMT

G'alati bizda... 2-3 yil avval to'liq blokirovkada turardi Wikipedia. Negaligini bilmaymanu, lekin shunaqa edi. Mana endi Tas-IXga o'tkazishibdi. cctld.uzda reklama qilib aylantirishyapti...

Ob-havo g'irt...

M

Sun, 22 Nov 2009 05:03:01 GMT

Pochtamni tekshirdim. zur_kosmonaft man bilan o'rtoq bo'pti. Keyin birdan negadir p.ilim.uz reytingida nechanchi o'rinni egallab turganim qiziqtirib qoldi. 465-o'rinda ekanman. 4-o'ringa pastlabman.

Atrofda kimlar katta o'sishga erishganiga e'tibor qaratdim: ma_sta 54 o'ringa, tilhom 15, beka_murzik 51, konikora 36 o'ringa yuqorilabdi. Ular nima haqida yozishayotganiga, albatta, qiziqdim.

tilhom (Ilhom Teshaboyev)nikini birinchi ochdim. Oxirgi postida p.ilimning informeri turibdi. Sekin pastga tushaverdim. Qarasam, tanish rasm. Haligi, 2007-yildami vallohi a'lam, moymirdagi akkauntimga rasm qilib qo'yish uchun photoshopda ishlaganim kichkinagina M harfi tushirilgan rasmcha. Katta qilib qo'yilibdi. Rasm ostida temaning jurnaliga link :-) Iy, didim :-)

Hm... Uyog'ini endi tushunganim yo'q. Kimmi eslatgan bu rasm Lebedevga, Xudo biladi... Birovni eslasayam so'kadi, eslamasayam so'kadi... G'alati odam. Har holda, sarlavha bilan rasmdan boshqa hech nima yo'q postda. Bitta teg bor: мудаки.

Vijdoning buyurganin qil!

Fri, 20 Nov 2009 03:11:40 GMT

Agar ba’zi birlar seni ranjitsa,
Azob otashida o‘rtanma butkul!
O‘zing bilasanki, hammani esa
Ko‘nglini bir hilda olmoqlik mushkul.
Ba’zida joningni jabborga berib,
Asl haqiqatni so‘zlaganing dam,
Ba’zi birlar sendan butunlay ranjib
Mumkin seni nodon deyishlari ham.
Bordi-yu, yaxshini desang ham yomon,
Aminman topilur senga tarafdor.
Dunyoda bor ekan haqiqat, yolg‘on,
Hammaga teng yoqish mumkinmas zinhor.
Demak, shunday ekan, yolg‘on gap sotib,
Nopoklar ko‘ngliga bo‘lgandan ma’qul.
Do‘stim, haqiqatu rostini aytib,
Faqat, vijdoningni buyurganin qil!
Shukrullo

Talabalar kuni

Tue, 17 Nov 2009 13:21:52 GMT

Kutilmaganda qarzga kirmagan telefonimga, uyg'onsam, bitta sms kelibdi: "Talabalar kuni bilan!". "Yo'g'e, shunaqa kunam bormidi? Qachondan beri?", deb, ko'p ham e'tibor bermadim. Tartibli yaxshi odamlarga o'xshab javob yozganim ham yo'q. Telefonimni zaryadkaga qo'yib, biror soatdan keyin kelib qarasam kamdan-kam bo'ladigan holat: 1 ta emas, 3 ta sms. SMSLAR :-)

Qarasam, hammasi talabalar kuni haqida. "Katta bayram shekilli", deb keyin manam spam bilan shug'ullandim. Kimnidir uchinchi bo'lib tabriklabman, kimdir mani beshinchi bo'lib tabrikladi...

Mustaqillik bayramida sms olganmidim-yo'q, esimda ham yo'q. Lekin Talabalar kuni degan bayram borligini smslari orqali bildim. Yaxshi bayramakan :-)

Talabalar kuni bilan! :-)

«СУВ ЁҚАЛАБ»

Tue, 17 Nov 2009 13:08:50 GMT

Нега тўй оши биз пайшанба ва ёки якшанба куни уйда қиладиган паловдан тансиқроқ туюлади? Чунки уни Фалончи Ошпаз номи билан машҳур бир уста тайёрлайди. Қўйиб берсангиз, зирасидан тортиб ёғигача ўзи танлаб келади. Тайёрлаган таоми одамларнинг оғзида қолиб, тўй эгасининг ҳам обрўсини кўтаради. Чунки у ўз ишининг устаси, профессионал.

Жаҳонгир Қосимов — профессионал режиссёр, Нажмиддин Ғуломов — профессионал оператор, Алишер Умрзоқов — профессионал рассом, Евгений Ким — профессионал бастакор ва албатта, Эркин Комилов — профессионал актёр. Адиб Эркин Аъзамнинг худди шу номли киноқиссаси асосида суратга олинган «Сув ёқалаб» фильмида фақат Эркин Комиловдек профессионал актёрлар роль ўйнаган. Уларнинг тажрибаси Эркин Комиловникидек бўлмаслиги мумкин, аммо улар орасида Шаҳриёр ёки Райҳонга ўхшаб «бўш вақтида» қўшиқчилик қиладиганлари ҳам йўқ. Фильмнинг биринчи муваффақияти худди шу.

Инсон ҳаётининг қайсидир бир қисмида нимага асосланиб қарор қабул қилишни билмай иккиланади. Кўнгилга қулоқ солиш керакми ё ақлга бўйсуниш? Қай бирига эргашса, тўғри бўлади? «Неча йил довруқ солиб даврон сурган», «лекин ҳали ҳам бақува-ат», раисликдан тушганига анча бўлса-да, ўтган-кетган ёшу-қари «Ассаламу алайкум, раис дода», деб ўтадиган, ҳозир қулоқбошида сув эгасига айланган ва бир замонлар пойтахтда паханлик ҳам қилган Ўрин Жагалар сув нима, керак бўлса жонини ҳам бериб юборишга тайёр бўлган Болта Мардон (Эркин Комилов) икки фарзанди Қодир (Тоҳир Саидов) ва Ботир (Жавоҳир Қосимов) билан сувсираб қолган боғи учун сув ёқалаб келаркан, ўтган умри ҳақида ўйлайди. Бир умр ўзини қийнаган саволга, жуда кеч бўлса-да, жавоб топгандек бўлади...

Фильмда ота ва қиз фарзанд ўртасидаги меҳр-муҳаббат чиройли, кўнгилли тарзда кўрсатиб берилган. Ўғилларига нисбатан жуда жиддий Болта Мардон эри қамалган яккаю-ягона қизини «Ха маладес, полвон қиз!», деб меҳр билан эркалаб қўяди. Фильм давомида бошқа ҳеч ерда отанинг бу қадар самимийлашгани, очилганини кўрмайсиз… Қизининг қамалгани эри... Болта Мардоннинг: «Ҳаммасига мен айбдорман, қизим», деган гапи халқни ақл билан бошқариб, ўз оиласида кўнгилга қулоқ солмай хато қилганининг тан олишими?

Бундан аввалроқ, пойтахтда аспирантурада таҳсил оладиган кичик ўғли билан ёлғиз кетаркан, Болта Мардон уни нега шаҳардан шошилинч чақириб олгани, Ботирнинг амакиваччаси кўз ўнгида катта бўлгани, яхши, одобли, эсли-ҳушли қиз эканлигини айтиб, отасининг айтганини қилса ўғил кам бўлмаслигини ҳам қўшиб кетади. Йўлда отаси тўхтаб намоз ўқиётганида «Мен барибир сизни яхши кўраман», деб қоғозга бир нималар ёзиб ўтирадиган, имкон топди дегунча қўлидаги телефони билан пойтахтга қўнғироқ қилиб: «Нигор! Айтинг-чи, бир кун келиб жонингизга тегиб қолмайманми?», деб сўрайдиган йигит отасининг гапига жавоб бермайди. Индамайди. Бирон нима дейишнинг ўрни ҳам эмас.

Болта Мардон ҳам одам ва у ҳам қачонлардир кимгадир кўнгил қўйган. Ариқдан оқаётган сувни Ботир билан ёқалаб келаркан, бир ҳовлига келганда: «Шу ҳовлига озроқ сув оч, ўғлим», деб буйруқ беради. Ўғлига: «Сен пастлаб боравер», деб, ўзи отдан тушиб ҳовлига киради. Ҳовлида эрининг вафотига кузакда беш йил тўладиган, тирноққа зор ўтган аёл — Шарофат. Салом-аликдан кейин Болта Мардон уй тарафга қараб «Ё тавба-а!!», деб юборади. Саҳарда тушида кўрган ўша тут, ўша супа... Тушида отаси: «Тутнинг нимага кесдинг, бесўроқ? Сену мени тўйдириб, кийдириб турган дарахт шу эди-ку! Болалигингда ўзинг шохма-шох тирмашиб тут териб юрардинг... Ҳе, ноинсоф!», деган эди. Болаликда одамда ақлдан аввал кўнгил, қалб, ҳиссиёт кўпроқ ишлайдими?

Ҳовлидан чиққандан сўнг, Болта Мардон яна ўғли Ботир билан ёлғиз кетади. «Ботир, гап бундай: шу аммангнинг қизига кўнглинг бўлмаса очиқ айтавер, тўй қолади! Бирон карми, кўрми топилиб қолар унгаям. Кўнглингга қара, болам! Лекин уйлансанг, шундай бировини топиб хотин қилгинки, сира-сира жонингга тегмасин! Неча йил ўтса ҳам! Буниси энди ҳар кимгаям насиб этавермайди. Бўлмаса, бу савдо — бир умрлик азоб. Шу гапим эсингдан чиқмасин, болам!». Ботир яна боягидай индамай кетади, ота сўзида давом этади: «Тағин бир гап, ўғлим. Эртага бир кун орқамда қолмасин-да. Сен энди ёш бола эмассан, билиб қўйганинг маъқул. Нолиган — ношукр дейдилар. Энангни айтаман-да, яхши хотин. Ювош. Мана, сенларни туғиб берди, катта қилди. Ўзим ҳам ундан бирор ёмонлик кўрмадим. Лекин кўнгил қурғур ҳе-еч... Билмадим — нимага...».

Фильмда операторлик иши маҳорат билан амалга оширилган. Ижодкорлар қандайдир янгилик олиб киришмаган, шунчаки, янгиликлар орасида йўқолиб кетган ва лекин кўнгилга яқин, кинони бемалол, фикрлаб кўриш учун керак бўлган кадрларни кўрсатишган. Унда махсус эффектлар йўқ, бўлганда ҳам фақат зарар келтирган бўларди. Фильм учун Севара Назархон томонидан куйланган «Ота» номли саундтрек картина давомида янграмайди, аммо Евгений Ким басталаган мусиқалар томошабинни фильмдан чиқиб кетмаслигини, аксинча, уни янада ичкарироққа олиб киришга муваффақ бўлади.

Уйга келиб қолишганида қулоқбошидан хабар олиш кетган Қодир ҳам етиб келади. Ботир боққа кириб кетган, Қодир эса бояги иш, эри Россияга ишлагани кетган синфдошининг боғидаги иш учун отасидан узр сўрайди. «Дада, кечиринг... Мактабда шу қизга кўнглим бор эди...». Болта Мардон: «Кўнгил берган одам шундай сўппайиб қоладими?!». Қодир: «Ўзингиз...». Болта Мардон: «Нима ўзим?.. Ота деганинг пайғамбар бўптими!..». Бўлди. Ортиқча гапнинг ўзи ортиқча.

«Сув ёқалаб» — москвалик киношунос Александр Геллернинг таърифи билан айтганда, томошабин бодроқ еб кўрадиган кино эмас. Машҳур Фалончи Ошпаз тайёрлаган тўй ошини фақат ейиш керак бўлганидек, Жаҳонгир Қосимовнинг «Сув ёқалаб»ини ҳам фақат кўриш керак, кўриб фикрлаш керак. Кўрган одамда бошқа чора ҳам қолмайди — у фикрлайди!

Гуруч ва гўшт одамнинг қорнини тўйғазса, фикр — инсон онгини тўлдиради.

Qish

Mon, 09 Nov 2009 10:41:21 GMT

"Biz kutgan kuz fasli keldi", deb baqirmoqchi edim xuddi Setoraning qo'shig'idagidek. Ulgurmadim. Bugun qor yog'vordi.

Qish. Qor. Birinchi qor bilan! :-)

Qo'qon

Thu, 29 Oct 2009 12:01:22 GMT

O'tkan kuni ertalab yo'lga chiqib, kecha tushga yaqin qaytib keldik. Qo'qonga borib keldik. Shunchaki. Oshga. Suhbatlashishga.

Taqdir, deydi-ku. Qo'qonga 20 yilda bir borib, xolva olmaslik - bo'mapti bunaqasi. Xolva oldik, xolvani sellofanga solishdan oldin gazetaga o'rab berarkan. Xayrulla (Hamidov) akamlar: "Chempion-ku", dedilar. Qarasam, man olayotgan xolvani o'rab berayotgan gazeta varag'idagi maqola muallifi Muhrim A'zamxo'jayev...

Vodiyga birinchi marta borishim. Yozda 33-razyezdgacha borgandim, ukam futbol jamoasi bilan birga borgan "Streltsov" lageriga. Uyog'iga o'tmagandik. Chiroyli.

Lenta.ru Columnists

Fri, 23 Oct 2009 08:52:12 GMT

Lenta.ru yangi loyiha boshlabdi. Man loyiha deb atadim. Balki ular boshqacharoq nom berishgandir.

Bugun sezdim. Bugun bildim. Bosh sahifada, kunning eng asosiy yangiliklari ostida "Офтопик" yozuvi turibdi. Lenta.runi kolumnistlari paydo bo'pti. Hozirgi zamon tilida aytadigan bo'lsak - bloggerlar.

To'g'risi, anchadan beri saytlarning o'ziga kirib yangilik o'qimayotgandim. Readerda sarlavhalarni ko'rib chiqaman, shundan nariga o'tmayotgandim. Mana, bir Lentaga kirgandim bugun, kolumnisltar haqida bilib oldim.

Hali dorabotkasi bor manimcha. Oftopik degan alohida sahifa yo'q, keyin 24-oktabr kuni arxivida 22-oktabrga oid maqola ochilyapti.

Aytgancha, o'tib ketgan Davlat tili kuni bilan!

Hayot - metro...

Fri, 23 Oct 2009 08:15:59 GMT

Inson hayotini metroda ketayotgan yo'lovchiga o'xshataman: Kimdir uzoqroq yo'l yuradi, kimdir qisqa... Shu qisqa yo'l davomida kimdir kattalarning duosini oladi, kimdir uxlaydi, hayol suradi, o'ylaydi, kitob o'qiydi va hokazo. Man xoxlamiman Sobir Rahimovdan Buyuk Ipak Yo'ligacha uxlab, hayol surib, keraksiz ish bilan shug'ullanib ketishni. Mayli, yo'lim Xamzadan Milliy bog'gacha bo'lsa ham, yo'lda yorug'likka chiqaman, qorong'ulikka qaytsam ham, sabr bilan, ma'noli hayot kechirishni xoxliman.
tadjikhadjayev

Taqriz

Mon, 12 Oct 2009 11:07:28 GMT

Bugun "Tahliliy jurnalistika" degan fanda taqriz degan mavzuni o'tdik. Taqrizni qanday yozish kerakligi o'rgatildi. Kichik taqrizga misol ko'rsatildi. Xullas, odatiy, sal-pal zerikarli leksiyalardan biri (leksiyani zerikarli yoki zerikarli bo'lmasligi bir tomondan domlaga, boshqa tomondan talabalarga bog'liq, xuddi talab-taklif degan narsaga o'xshaydi; mavzu oxirgi o'rinda :-)).

Aniq bilmaymanu (lekin aniq bilishim kerak o'zi), oldiniga hamma leksiyalarni o'tib bo'lib, keyin seminar darslar boshlandi. Seminarda, o'zilaga ma'lum, talabalar sayrashi, talabalar ijod qilishi kerak. Shu narsani "Tahliliy jurnalistika" degan fanda sal boshqacharoq qilish kerakmidi, deyman-da. Bitta leksiya, keyingi dars seminar. Shunda, misol uchun, keyingi darsda bir qator buyuk-buyuk taqrizlani eshitgan bo'larmidik... Man qanaqa yozishim mumkinligiga kelsak, seminarla boshlanib, taqriz mavzusiga yetib kelganimizda, yozgan taqrizimni blogga qo'yaman. Qiyin bo'ladi o'quvchilarga :-)

Ha-ya, James Bluntni Love Love Loveni faqat hozir eshitdim. Shu ashulasi uyda yo'g'akan. Internet klubni kompyuterlariga uydagi "korobka"dan kelgan bir qator "bezarar" viruslarni qoldirib, James Bluntni manga yoqqan ashulasini olib ketamiz...

mp3.uz

Mon, 12 Oct 2009 06:45:13 GMT

Boshqalayam ashula ko'chiromayaptimi? Yoki faqat Sarkorni abonentlariga mumkinmi?

Hello, world!

Mon, 12 Oct 2009 04:46:17 GMT

Anchadan beri hech nima yozmay qo'ydim jurnalga. Umuman olganda, yozishga arzigulik voqealar, o'tgan 2-3 hafta ichida juda ham ko'p bo'ldi. Lekin uydagi kompyuterim eezee07nikidan ham yomon ahvolda, tahririyatda bo'lsa negadir LiveJournal ochilmayapti (Sharq Telekomga alangali salom!). Internet-klublardan kirib yozish... manga ko'p ham yoqmaydigan mashg'ulot. Lekin bugun shu yoqimsiz mashg'ulot bilan shug'ullangim kelib qoldi...

Lekin nimani yozishni bilmayapman :-) Umuman, hammasi yaxshi. Havo ham. O'qish ham. Ish ham. Odamlar ham. Hammasi. Ashulalar ham.

Hayot davom etadi.

E'lon

Mon, 14 Sep 2009 10:55:32 GMT

Blogger.uzning Freelance guruhida Avaz Ibragimov tomonidan qoldirilgan xabar:

Futbol mavzusida rus, ingliz, ispan, nemis, italyan tillaridan o’zbek tiliga tarjima qila oladigan va oddiy tilda yangilik, maqola yoza oladiganlar kerak (content manager). Maosh kelishilgan holda.

Bu navbatdagi futbol sayti uchun jamoa yig'ish niyatida boshlangan harakat. Kecha bo'lsa, notanish boshqa bir futbol saytining ishga tushgani-yu, u yerda uning narsasi chiqqanini ham yozgandi.

Uznetning bu qismini kuzatish qiziqarli, to'g'risi.

"Bunyodkor" - "Andijon"

Mon, 14 Sep 2009 10:52:20 GMT

Shu o'yinni juda ham ko'rgim kelayotgandi. Umuman, ikkinchi davrada hisobidan hali biron marta safarda o'ynamagan "Andijon" kecha "Bunyodkor" emas, "Buxoro" bilan o'ynagan taqdirda ham man uchun qiziq bo'lardi. Amet Memet kelib, jamoa o'z uyida ishonchli hisoblarda g'alaba qozonayotgani bilan, safarda ham shunaqa ishni amalga oshira olishiga ko'p ham ishonmayotgandim. "Bunyodkor"ga qarshi bir nima qila olishiga, to'g'risi, aqli bor odam ishonmaydi hozir...

E'tiboringizni endi quyidagi fotosuratga qarating. Asqar Jadigerov, Rivaldo va hakamlarga emas, uzoq planda katta futbolkani hilpiratayotganlarga.

© fcbunyodkor.com

Ko'rish qiyin. Lekin ko'rsa bo'ladi. O'yinni bevosita stadiondan kuzatganlarning aytishicha, "andijonlik fanatlar o'zlarining ishqibozchiliklari bilan butun Toshkentni o'chirib" qo'yishganmish. "Bunyodkor" fan-klubining ovozi eshitilmay qolibdi andijonliklarning hayqirig'i oldida. Manga bu gaplarni andijonlik yoki "Bunyodkor"ga qarshi bo'lgan odam aytgani yo'q. Toshkentlik va Toshkent klublarini yaxshi ko'radigan odamdan eshitdim.

"Bunyodkor" Chempionlar Ligasidagi ishtiroki munosabati bilan programka ham chop etayotgan ekan. Oliy Liga o'yinlari oldidan ham — mayli, 56 sahifa bo'lmasin — shunaqa chiroyli kitobchalar chiqarib, sotsa bo'lmaydimi? Sekin-sekin an'ana tusiga kiritish kerak shu narsani ham...

"Paxtakor"

Mon, 14 Sep 2009 06:41:54 GMT

flicr © Akitoshi IIO

Gazeta.O'z

Sat, 12 Sep 2009 18:15:54 GMT

Yaxshi material, yaxshi kontent baribir yaxshi narsa. Misol uchun, notanish ham vaqti-vaqti bilan "Parvona" o'qib turish kerakligini tan oldi :-) Shunaqa bizni gazetalar. Doimiy o'qishga arziydigani kam... Yoki yo'q.

"Hurriyat"ni varaqlab turib, oxirgi sahifasida Nodar Dumbadze (1928-1984)ning "Hellados", "Kukachura", "Abadiyat qonuni" nomli asarlari asosida Sitora Tojiddinova tomonidan tayyorlangan fikrlarni o'qib qoldim. O'zbekchasiga aytadigan bo'lsak, muallifi Nodar Dumbadze bo'lgan aforizmlar.

«Rustavelini, dunyo tarixini va ingliz tilini yod bilgan bolalarga universitetning keragi yo'q».
Nodar Dumbadze

Ajoyib fikr. Adashmasam, "Odamlar orasida" o'qigandim: agar gruzin kelining sepida Shota Rustavelining "Arslon terisiga yopingan pahlavon" nomli asari bo'lmasa kuyov tomon uchun katta hurmatsizlik hisoblanarkan. Tog'oralar soni 40 tadan kam bo'lishi kechiriladi, ammo Rustavelining kitobi yo'q bo'lsa...

Umuman, gruzinlarda ham tog'ora degan narsa bormikin? Ularda ham ayollar bor-ku, bo'lishi kerak...

Har balo haqida har balo

Sat, 12 Sep 2009 17:27:18 GMT

Umuman olganda, har kuni internetga kirdim. Readerdagi yangiliklarni kuzatdim. Yo'q, keyin bilsam faqat bloglardagi yangilanishlarni kuzatibman. Lenta.ru'ga ham kirish yo'q, uff.uz'da ham qanaqa yangiliklar bo'layotganini bilmay qolibman.

9-sentabr kuni yoshlar terma jamoasini Misrga, aniqrog'i Ispaniyaga kuzatvordik. Televizor orqali. Juda bir yaxshi ko'rsatuv bo'ldi. Ahmad Ubaydullayevni ko'zlaridan yoshlar chiqib ketdi. Xullas, ular Misrda "hammani battar qilishlariga" ishonaman man.

Vey, xuddi shu kuni Saudiyada dramatizm bo'pti. Bahrayn oxirgi sekundlarda Saudiyani JAR-2010dan mahrum qilibdi. Qoyil, demasdan iloj yo'q. Deyarli 10 yildan beri shakllanayotgan jamoa bu natijaga haqli edi. Yangi Zelandiyani ham hurmatini joyiga qo'yishsa, Shimoliy Koreyadan keyingi mundial uchun eng katta ikkinchi sensatsiya, albatta, Bahrayn bo'ladi. Qizig'i, Bahrayn saudlarni yutganini man atigi kecha, 11-sentabr kuni bildim.

Ha-ya, o'qishda tahliliy jurnalistika degan yangi fan qo'shilgan. 10 tacha gazet nomini yozdirib, o'shalardagi tahliliy maqolalar bilan tanishib kelishni buyurgandi domla. Kecha, uyga qaytayotib, gazeta do'koni oldidan o'tayotganimda shu topshiriq esimga tushib qoldi. "Hurriyat", "Mohiyat"larga qo'shib, qaniy-chi deb bitta "Darakchi" ham qo'shib oldim. 11-sentabrni jonli guvohi bo'lgan o'zbekning hikoyasi chiqibdi. To'qima yoki to'qima emasligini muhokama qilib o'tirmayman, yomon emas har holda.

Bugun readerimni kattaroq sabr bilan kuzatib chiqdim. Qanaqadir fotomarafon bo'libdi. Balki pixlandda shu bilan bog'liq nimadir bordir, deb kirgandim, "Kun fotolari"ni birrov ko'rgim kelib qoldi. Ko'rdim. Ayniqsa, mana bunisi yoqdi:

pixland.uz © jet

Surat muallifining kommentlarda yozishicha, foto O'zbekiston - Eron (0:0) o'rtoqlik uchrashuvida olingan ekan.

Boya mail.rudagi pochtamni tekshirgani kirsam, ekranning o'ng tarafida torg.uz'ni reklamasi... Qoyil, dedim yana bir marta :-) Qancha turarkin-a bu reklama?..

Etgancha, yana bitta gap: BBCUzbek vertolyotni hali ham "tikuchar" deb yozmoqda...

O, hayot!..

Sat, 12 Sep 2009 16:46:25 GMT

Issiq suv keldi uyga... :-)

Replay

Fri, 04 Sep 2009 20:57:21 GMT

O'tkan yili, xuddi shunaqa vaqt xuddi shunaqa bo'lgandi. Balki qaysidir epizodlari boshqacha, boshqacharoqdir, lekin deyarli xuddi shunaqa. Mani holatim shunaqa edi.

Yozni oxiri — kuzni boshi yoqmaydigan bo'lib qolyapti. Kamida oxirgi 2 yil uchun. O'zim aybdor bo'lsam kerak hammasi shunaqa bo'lishiga.

Nima bo'lgan taqdirda ham, hammaga omads! Va baxts! O'zimga bo'lsa, qachonlardir aytilgan o'sha gap...

lenta.ru

Fri, 04 Sep 2009 20:40:24 GMT

Lenta.ru 10 yoshga to'libdi. Muchalgacha yana 2 yil qolibdi. 10 yillikka atab, lenta.ruga xos loyihacha tayyorlanibdi.

© lenta.ru

Mani ish stolimda noutbuklar yo'q, uning o'rnida bir talinka uzum po'chog'i turibdi. Boshqa aytarli farq yo'q. Atrof to'la slovar, disk, gazeta-jurnal, kitoblar, yozadigan-yozmaydigan ruchkalar, yopishmaydigan bo'lib, yozilgan qaydlari ahamiyatini yo'qotgan stikerlar. Sim-kartayam borakan. Boshimni ustiga bitta televizor o'rnatib olsam endi...

Manga bunaqa ish stollari yoqadi. Yig'ishtirilgan ish stollari ham yoqadi. Yig'ishtirilganlari ko'proq yoqadi.

Hm, shunaqa qilib shunaqa. Lenta.ru 10 yoshga to'libdi. O'zSSR Toshkent viloyati, Bo'stonliq tumani, Chorvoq qishlog'ida tug'ilgan hodimi ham bor ekan. O'qisa tushunib qolar — tug'ilgan kuninglar bilan!

Kuz

Tue, 01 Sep 2009 08:08:22 GMT

Yoz ham tugadi. Indinga o'qish. "To'qqiz oylik tashvish" :-) Hazil. Lekin... qiyin, qiyin bo'ladi...

UZOtoyol

Sun, 30 Aug 2009 16:47:14 GMT

Bizani "Otayo'l" avtobuslarimiz Qrimdayam yurarkande-a? Qoyils! :-)

Мюнхен

Thu, 27 Aug 2009 19:14:55 GMT

Lufthansa is commencing services from Munich to Taschkent from 28 March 2010, with thrice-weekly flights to the Uzbek capital.
konzern.lufthansa.com

С марта следующего года немецкая авиакомпания Lufthansa откроет прямой рейс из Мюниха в Ташкент.
gazeta.uz

O'xshamapti. Ayniqsa, mamnaqa gapladan keyin.

UPD: Man postni yozib bo'lgunimcha, o'zgartirishga ulgurishibdi. Manam ulgurdim. Skrinshot olishga ))