You are viewing [info]muxrim's journal

Ehtiyot bo'ling! [entries|archive|friends|userinfo]
Muhrim

[ userinfo | livejournal userinfo ]
[ archive | journal archive ]

Links
[Links:| Muhrim.Twitter Muhrim.Facebook ]

muhrim.blogi.uz [Nov. 13th, 2011|06:20 pm]
[Tags|, , ]

Link1 comment|Leave a comment

Starbucks - Tez kunda | Amerikadan xat [Nov. 9th, 2011|02:02 am]
[Tags|, , , , ]
[Current Location |Toshkent, Sergeli, Yangi Sergeli ko‘chasi]
[Current Mood |sleepysleepy]

Feysbuk va Tvitter’da tarqagan mish-mishlarga qaraganda, Toshkentning ikki nuqtasida jahonga mashhur ikki yemakxona - KFC va "Starbucks"ning logotiplari, "Tez kunda" degan yozuvlar bilan birgalikda paydo bo‘lgan. Bu haqda tvitterlarda yozishgan, bundan xursand ham bo‘lishgan; ba’zi internet-foydalanuvchilar, ma’lumotning haqqoniyligini oshirish maqsadida o‘z profillarida "voqea joyidan" olingan fotografiyalarni ham ilova qilishgan:


Ура!!!! © Kotlıbulatova Yana

Ko‘pchiligimiz Gollivud filmlarida qorni katta amaki-xolalar "McDonald’s" yemakxonalarida katta-kichik gamburgerlarni paqqos tushirayotganliklarini ko‘p bora ko‘rganmiz. Futbolga qiziquvchi do‘stlarimiz esa jahonga mashhur futbol hakami Ravshan Ermatov "McDonald’s" taomlari uning uchun qanchalik foydali ekanligi haqida Avaz Berdiqulov tomonidan yozilgan maqola orqali yaxshi bilishadi, deb o‘ylayman. KFC bilan "Starbucks" ham o‘sha havasimizni keltiradigan, hatto Ermatov ham maqtaydigan "McDonald’s"ga o‘xshagan - mashhur. Menyusi farq qilishi mumkin, bo‘lishi mumkin.

KFC (Kectucky Fried Chicken - Kentukki qovurilgan jo‘jasi)ga 1952-yili polkovnik Sanders tomonidan asos solingan. U, nomidan ham tushunarliki, jo‘jalardan tayyorlangan mahsulotlari bilan shuhrat qozongan. KFC tarmog‘ida, 2007-yil ma’lumotlariga ko‘ra, 24 ming kishi ishlaydi, yillik aylanmasi 5 milliard dollarga teng. Agar Wikipedia ma’lumotlariga ishonadigan bo‘lsak, uning shahobchalarini bugun dunyoning 110 mamlakatida (balki 111 ta deb yozish ham mumkindir?!) uchratish mumkin. Ushbu 110 mamlakat orasida Argentina, Shvetsiya, Finlandiya, Italiya, Ukraina (va O‘zbekiston) kabi mamlakatlar yo‘q.


In blue: Countries currently with KFC restaurants © Wikipedia

"Starbucks" ("Starbaks" deb o‘qiladi)ga 1971-yili ingliz tili o‘qituvchisi Jerri Bolduin, tarix fani o‘qituvchisi Zev Sigl va yozuvchi Gordon Bouker tomonidan Sietl shahrida (aytmoqchi, bu shahar Toshkent bilan birodarlashgan) asos solingan. "Starbucks" jahondagi eng yirik qahva sotuvchi kompaniya hisoblanadi; u espresso, shuningdek, boshqa issiq va yaxna ichimliklar, qahva, issiq va sovuq sendvichlar, pishiriqlar, gazaklar sotish bilan shug‘ullanadi. Kompaniyaning jahon bo‘ylab geografiyasi KFC’nikiga nisbatan salkam ikki baravar kichkina (57 ta mamlakat, e’tibor bering - bu kompaniya ham, nima uchundir, Italiya bozoriga kirmagan), ammo yillik aylanmasi va xodimlari soni bir necha barobor ko‘p. 2010-yil ma’lumotlariga ko’ra, kompaniyada 137 ming kishi ishlagan bo‘lsa, yillik aylanma mablag‘ miqdori 10,71 milliard dollarga teng bo‘lgan.


Map of the countries with Starbucks Coffee Shops © Wikipedia

Ko‘pchilikni bir narsa o‘ylantirayapti: KFC va "Starbucks" O‘zbekiston bozoriga rasman kirib kelmoqdami yoki bular mahalliy tadbirkorlar tomonidan xalqaro brendlarning navbatdagi marta o‘zlashtirilishimi? Feysbukdagi foydalanuvchilardan biri, "KFC’da ichimliklar faqat va faqat yaqindagina O‘zbekiston bozoriga kirib kelgan PepsiCo tomonidan quyilishini hisobga olib", hammasi rasmiy bo‘lishi mumkinligiga umid bildirmoqda. Balki, haqiqatan ham, Pepsi bilan KFC’ning O‘zbekiston bozoriga kirib kelishida qandaydir bog‘liqlik bordir.

4-noyabr kuni "Starbucks" O‘zbekiston bozoriga haqiqatan ham kirib kelayaptimi yoki yo‘q (KFC haqida, to‘g‘risi, unda xabarim yo‘q edi), shuni bilish maqsadida kompaniya matbuot xizmatiga xat yozib yuborgandim. Oradan besh kun o‘tib Amerikadan javob keldi; rosti, ularga xat yozganim esimdan ham chiqib ketgandi.

Javob quyidagicha:

from: @Starbucks Press StarbucksPress@edelman.com
to: Muhrim Agzamkhodjayev <muxrim@gmail.com>
date: 9 November 2011 00:20
subject: RE: Starbucks Tashkent
mailed-by: edelman.com
: Important mainly because of your interaction with messages in the conversation.

Hi Muhrim,

Thank you for your interest in Starbucks. At this time we have no information to share regarding Uzbekistan market entry.

Best,

Erin
Starbucks Press Team
(206) 318-7100
press@starbucks.com
Ya’ni, "Starbucks" matbuot xizmati xodimi Erin shunday javob berayapti: "Ayni vaqtda bizda O‘zbekiston bozoriga kirish bilan bog‘liq taqdim etishimiz mumkin bo‘lgan hech qanday ma’lumot yo‘q".

Bularda bo‘lmasa, "Tez orada" degan yozuvni osib qo‘yganlarda qandaydir ma’lumot bordir. Yo‘q, eng aniq va tiniq javob aynan ularda bor...

Ular, pessimist va skeptiklarni biroz hayron qoldiradigan javobni asosli ravishda berishlarini juda ham xohlardim.
Link4 comments|Leave a comment

Katta Chilonzor ko‘chasi [Oct. 26th, 2011|11:29 am]
[Tags|, , ]
[Current Location |Toshkent, Sergeli, Yangi Sergeli ko‘chasi]
[Current Mood |calmcalm]
[Current Music |Coldplay - Up In Flames]

O‘qishimizning yonidagi ko‘cha nomiga avval hech e’tibor bermagan ekanman. Lekin mana bunaqa manzara hosil bo‘lganidan keyin e’tirobing tushar ekan, nima qilsa ham.



Ko‘k fondagi yozuvni yaxshi ko‘rib turibsiz, taxminimcha; sarlavhada ham yozilgan. Jigarrang taxtacha esa ancha qadimiy, axir "jumhuriyat" degan so‘z hozir ishlatilmaydi, ammo "qadim zamonlarda" ishlatilgan. Taxtachada (aslida u yog‘ochdan tayyorlanmagan) shunday deb yozilgan:
Bu ko‘chaga jumhuriyatda xizmat ko‘rsatgan quruvchi Hamza nomidagi davlat mukofoti sohibi Shamsiddin Islomov nomi berilgan
Va shu taxtachaning nomi yonidan ko‘cha nomi yozilgan taxtacha.

Ma’lumot uchun shuni aytish mumkinki, Prezident farmoni bilan "ko‘p yillik samarali mehnati bilan mamlakatimizning qurilish sohasiga, zamonaviy shaharsozlik rivojiga qo‘shgan katta hissasi, murakkab va noyob inshootlarni sifatli bunyod etishda jonbozlik va fidoiylik namunasini ko‘rsatgani hamda ijtimoiy hayotdagi faol ishtiroki uchun" "O‘zbekistonda xizmat ko‘rsatgan quruvchi" faxriy unvoni bilan taqdirlangan, o‘sha vaqtda "Neftegazmontaj" qo‘shma korxonasi direktori hisoblangan Jalolov Mirodil Sobitovich ham shu ko‘chada istiqomat qilar edi.

Ko’k taxtachani birinchi marta sentabrda, o‘qish boshlanishi kerak bo‘lgan kunda ko‘rib qolgandim. Hozir tekshirib ko‘rsam, ko‘cha nomi may oyida o‘zgargan ekan. Google Maps’da esa ko‘cha hali ham "Sh.Islamov" deb ko‘rsatilgan.

Link3 comments|Leave a comment

Girls [Oct. 24th, 2011|10:17 pm]
[Tags|, ]
[Current Location |Toshkent, Sergeli, Yangi Sergeli ko‘chasi]
[Current Mood |melancholymelancholy]

Kecha Hillari Klintonga gul topshirayotgan qizlarni taqqoslab, ularning bir yoki boshqa-boshqa ekanligini aniqlashga harakat qilgandik. Bu borada Feysbukdagi munozaralar ancha qiziqarli ko‘rinish oldi, men sizga aytsam.

Anvarxo‘ja Qodirov aytganidek, "kompetentniy" odamlar javob berishdi" va bunaqasi rostan ham "kamdan-kam bo‘ladi". Birinchi masala: ikkala rasmda ham ikki boshqa-boshqa qizlar gul topshirishgan. "Bu qizlarni shaxsan taniydigan" va o‘zi ham "shunaqa vazifani bajaradigan" "kompetentniy" odam"ning aytishicha, Klinton xonimga 2010-yilning dekabr oyida gul topshirgan qiz Feysbukda yo‘q ekan, sababi: "erga tegib ketgan" (munozara ishtirokchilarida haqli savol tug‘ildi; iqtibosni aynan keltiramiz: "nma erga teyb ketganla fbni iwlatmidimi :D" - bu shunaqa, yangicha o‘zbekcha-telefoncha til namunasi, xatolarga jiddiy e’tibor bermang). Ikkinchi qiz ham Feysbukda yo‘q ekan.

Qiziq voqea bo‘ldi. Eslasam hali ham kulgim kelayapti. Bugun kinoforum tashkilotchilari, ha’yat a’zolari va mehmonlari ishtirokida Fond Forumda blits-brifing bo‘ldi. Boshlanishini kutib o‘tiribman, hamma shoshib, yugurib yuribdi. Bir qiz bor, "Kelajak Ovozi" YTM faoli. Bir vaqt: "Nega meni amakivachchamning fotografiyasini qo‘yib qo‘ydingiz?", deb qolsa bo‘ladi, tomdan tarasha tushgandek. Qandaydir soniyalar ichida ancha xayol o‘tdi boshdan: "Bu qizning amakivachchasi kim ekan? Qayerda qo‘yibman uning rasmini? Nima deyapti o‘zi bu?..". U qizning aytishicha, uning amakivachchasi juda ham jahlda emish, "Kim o‘zi u Muhrim?!", deb so‘raganmish. "Kelajak Ovozi" faoli: "U shunaqa, internetni juda yaxshi biladigan bola" deb, "meni maqtab ketganini" ham qistirib o‘tdi. :)

Barcha amma- va amakivachchalarga bir narsani ma‘lum qilishni xohlardim: bu blogga qo‘yiladigan va ichida odamlar ham bo‘ladigan fotografiyalar odatda jahon axborot agentliklarining ochiq manbalaridan olinadi. U manbalarda chiqqan fotografiyalar Amerikaning "New York Times" yoki "Washington Post" kabi "doda" nashrlarida ham chiqib qolishi mumkin. Meni blogimni nari borsa 10 kishi o‘qisa o‘qiydi, yo‘qsa yo‘q; u gazetalarni esa millionlab odamlar hammayoqda o‘qishadi.

Umuman, hammasi juda qiziqarli. Aytmoqchi, ehtiyot bo‘ling! ;)
Link2 comments|Leave a comment

4 yil avvalgi "Roma" [Oct. 24th, 2011|09:58 pm]
[Tags|, ]
[Current Location |Toshkent, Sergeli, Yangi Sergeli ko‘chasi]
[Current Mood |melancholymelancholy]

Arshavin aytganidek, "Manchester Siti"ning "Manchester Yunayted" ustidan erishgan g‘alabasi yoritilishi bo‘yicha Kaddafiyning o‘limi voqeasini ham ortda qoldiradi, aniqrog‘i, qoldirmoqda. Bugun o‘zini "Manchester Yunayted"ning eng sodiq muxlisi", deya hisoblagan har bir kishi "1:6ga yutqazadimi, undan kattasiga yutqazadimi, bizga baribir" deb, odatda "Liverpul" ishqibozlari aytadigan qo‘shiqlarni kuylashmoqda.

"Yunayted"ga qarshilar gapirib oladigan vaqt keldi. Xuddi shunday kun hali "Barselona"ning boshiga ham tushadi (lekin menda u bilan bog‘liq birorta xotira yo‘q, umuman, bu jamoa o‘yini vaqti-vaqti bilan hayratlantirib tursa-da, uncha simpatiya bo‘lmagan hech qachon). Bekordan-bekorga negativ fikr kelib chiqmaydi, bekordan-bekorga negativ fikr aytilmaydi. Bu dunyoda oddiy bir toshning bir joydan ikkinchi joyga ko‘chib qolishi ham qandaydir sababga asoslanadi. Negativ fikrlarning ko‘pligiga yoki bugun balandroq aytilayotganiga ko‘p jihatdan siz suygan jamoa emas, sizning o‘zingiz sababchisiz. Kamida.

Men "Manchester Yunayted"ning ustidan kulmoqchi emasman. Kecha "Yunayted" ishqibozlari tushgan holatni men yanvarda boshdan kechirganman. O‘shanda Avstraliya degan terma jamoa 3:0 hisobida g’alaba qozonsa ham Osiyo Kubogi finaliga yo‘l olgan bo‘lardi, yo‘q, ular to‘xtamadi - urdi, urdi, urdi. To‘g‘ri qildi - raqib qo‘yib berganidan urmay nima qilsin? Menga alam qilgandi rosti, "To‘xtatsa ham bo‘lardi", endi degandim. Bunday o‘ylab qarasa, o‘sha tinmasdan gol urayotgan jamoa ham shu haqda o‘ylab ko‘rsa bo‘ladi-ku: "Bo‘ldi, yutqazdi, tan olib turibdi, nima keragi bor yana xo‘rlab?". Lekin bu boshqacharoq holat.

Yanvardagi holat men uchun birinchisi emas. 2007-yil bahorining ikkinchi oyida "Roma" "Manchester Yunayted"ni chorak finalda qoldirib ketadi", deb yurganimda ko‘pchilik, ayniqsa "Manchester Yunayted" muxlislari istehzoli kulishganini eslayman. 4-apreldagi birinchi uchrashuvdan keyin istehzoli kulishlar biroz xavotir bilan almashgani ham yodimda. Lekin atigi birinchi uchrashuv o‘tgan, hali hech kim hech narsa yo‘qotib ulgurmagandi. "Manchester Yunayted" 3:0 hisobida ham, 2:0 hisobida ham, hatto, 1:0 hisobida ham g‘alaba qozonsa ham yarim finalga chiqqan bo‘lardi. Men eslayman, men juda yaxshi eslayman. Hisob 5:0 bo‘lgan vaqtda ham: "Hozir "Roma" hech bo‘lmasa 4 ta gol urib tashlaydi", deb ishonib o‘tirganman. Pardon, ishqibozchilik, haddan tashqari ishqibozchilik.

Kecha, "Arsenal"ni ayovsiz savalagan, endi "Barselona"ga qarshi tura olishi taxmin qilingan "Manchester Yunayted" o‘z hamshahariga qarshi hech nima qila olgani yo‘q. Yo‘q, men buni mamnuniyat bilan aytayotganim yo‘q, men buni taqqoslash uchun keltiryapman: 2007-yili "Roma" ham xuddi shu "Old Trafford" nima qilarini bilmay qolgandi. Kerrikning bir kutilmagan zarbasidan keyin buzilgan o‘yinni na Spalettining o‘zgartirishlari, no Tottining xarizmasi, xullas, hech nima qutqarib qololmagandi. Kecha ham xuddi shunday bo‘ldi. Ismlarni keltirib o‘tirmayman.

"Manchester Yunayted" men eng yoqtirgan jamoalardan biri edi. Men Ole-Gunnar Solskyayerning Norvegiya terma jamoasidagi birorta o‘yinini ko‘rmaganman, ammo bir safar qizil futbolkam orqasiga 20 raqamini tushirganim esimda. Baxtga qarshi, 2007-yilning 10-aprelidan e’tiboran "Manchester Yunayted"ga nisbatan simpatiyam antipatiyaga aylangan. "Manchester Yunayted"ning kuchli ekanligini tan olganim holda, kuchli bo‘lgani uchun emas, mening jamoamni shunchalik darajaga tushirgani uchun unga nisbatan teskari bo‘lib qolganman. Shu, xolos.

Buyuk g‘alabalar bor. Misol uchun, "Bavariya" ustidan qozonilgan 2:1 hisobidagi, 1999-yilgi g‘alaba tengi yo‘q muvaffaqiyat. "Manchester Siti"ning kechagi 6:1i, yoki "Yunayted"ning 4 yil avvalgi 7:1i, yoki bo‘lmasam xuddi o‘sha o‘yindan keyin "Roma" "Inter" ustidan erishgan 6:2 hisobidagi g‘alabalari - oddiy g‘alabalar . 1:0 yoki 2:0 hisobida g‘alaba qozonsa ham bo‘lardi, lekin nima uchundir o‘sha to‘xtashmagan; oldinga o‘tishgan, gol urishgan, urishgan va yana uraverishgan. (To‘g‘risi, futbolda mana shunday tennischa yoki xokkeycha hisoblarning qayd etilishi menga yoqmaydi).

Men: "Roma" keyingi bosqichga chiqadi", deb qo‘yganim uchun ancha vaqtgacha kulgu bo‘lib yurganman. Umuman, hozirgi kunda ham o‘sha gaplar ta’siri bilan istehzo aralash kulib qo‘yishlar bor. Nima ham qilardim: menga "Roma" yoqadi, sizga, misol uchun "Manchester Yunayted" yoqqanidek; yig‘lab bermayman-ku. :) Bir yaxshi odam: "Birovning ustidan qaror chiqarayotganingda uning o‘rniga avval o‘zingni qo‘yib ko‘r", degandi. Menda faqat bir narsadan qoniqish hissi bor: "Hozirgi vaziyatda men seni yaxshi tushunib turibman" degan odam, agar o‘sha vaziyatga o‘zi hech qachon tushmagan bo‘lsa, sizni hech qachon yaxshi tushunib tura olmaydi ("Tabib tabib emas, boshiga tushgan tabib"). Men ayni daqiqalarda "Manchester Yunayted" muxlislarini yaxshi tushunib turibman. Bunga shubha qilmasangiz ham bo‘ladi. Sizga kerak emasligini ham bilaman, lekin hamdardman.

Derbi vaqtida "Siti" xotirjamlikka berilib, "Yunayted" bitta gol urganidan keyib biroz achchig‘im chiqdi, rosti. "Nega bo‘shashadi, imkoniyat bo‘lib turganida yana urmaydimi?", dedim. 80 yilda bir marta bo‘lsa ham "boshiga tushgan tabib" bo‘lgan yaxshiroq. Hayot abadiy g‘alabalar va ko‘ngilli natijalardan iborat emas, vaqti-vaqti bilan shunday mag‘lubiyatlarning bo‘lishi hammasini maromga solib turadi.

P.S. Yozganlarimdan menda mamnuniyat, xursandchilik hissini ko‘rsangiz, men bunga qarshi hech narsa aytolmayman ham, keltira olmayman ham. Men tan olib bo‘ldim: menda ma’lum qoniqish hissi bor. Bu siz o‘ylagan narsa emas, albatta. Lekin men sizning noto‘g‘ri fikrlaringizni o‘zgartirish uchun vaqt ketkazmoqchi emasman. Tushunadigan odam uchun shu birgina gapning o‘zi ham tushunarli, aslida...
Link3 comments|Leave a comment

Tezkor asfaltlash [Oct. 24th, 2011|09:46 am]
[Tags|, ]
[Current Location |Toshkent, Muqimiy ko‘chasi, 178-uy]
[Current Mood |melancholymelancholy]
[Current Music |Coldplay - Us Against The World]

2012-yildan Rossiya bosh vaziriga aylanadigan Dmitriy Medvedev 2009-yilning avgust oyida Rossiyaning Kirov viloyatiga safar qilgan. Prezident korteji harakatiga halal bermasligi uchun, keyinchalik viloyati hokimi (gubernatori) Nikita Belix tan olib yozishicha, Rossiya Federatsiyasi Federal qo‘riqlash xizmati talabi bilan, temiryo‘l kesishmasi asfaltlab tashlangan. “Hozir u joylardan asfalt olib tashlangan”, deb yozgandi hokim o‘z blogida, 18-may kuni.

Aftidan, bunday amaliyot bizda ham qo‘llanilar ekan, shekilli.

Bu fotografiyalar 20-oktabr kuni Buyuk Turon ko‘chasida, “Sharq” nashriyot-matbaa aksiyadorlik kompaniyasi binosi oldida olingan. Yo‘l xizmati vakillari yangi, ammo yaxshigina qotib ulgurgan qalin asfalt qatlami ostidan kanalizatsiya qopqog‘ini ochishmoqda.



Mana bunisi esa ochib bo‘lingan qopqoq – atrofi “yevroremont” ham qilib bo‘lingan.

Link1 comment|Leave a comment

O‘g‘ri va muttahamlar partiyasi [Oct. 23rd, 2011|11:24 am]
[Tags|]
[Current Location |Toshkent, Sergeli, Yangi Sergeli ko‘chasi]
[Current Mood |melancholymelancholy]

"O‘g‘ri va muttahamlar partiyasi" qonuniylashtirildi" deb xabar bermoqda "Gazeta.Ru": "Moskva shahar Lyublino tuman sudi "Yedinaya Rossiya -o‘g‘ri va muttahamlar partiyasi" iborasidan foydalangani uchun [info]Aleksey Navalniy ustida arz qilgan yedinoross Vladimir Sviridning da’vosini to‘liq rad etdi".

Yandex "Yedinaya Rossiya" haqida:



Google "Yedinaya Rossiya" haqida:

LinkLeave a comment

"2 ta farqni toping". Agar farq rostan ham 2 ta bo‘lsa... [Oct. 23rd, 2011|09:47 am]
[Tags|, ]
[Current Location |Toshkent, Sergeli, Yangi Sergeli ko‘chasi]
[Current Mood |melancholymelancholy]

Bu Hillari Klintonning avvalgi tashrifi chog‘ida olingan fotografiya:


U.S. Secretary of State Hillary Rodham Clinton, left, is greeted at the airport by Uzbek Foreign Minister Vladimir Norov, center, on arrival in Tashkent, Uzbekistan, Thursday, Dec. 2, 2010. A hostess at right clad in a traditional Uzbek dress © AP.

Bu esa 22-oktabr kuni Toshkent aeroportida olingan fotografiya:


An Uzbek woman in national costumes greets U.S. Secretary of State Hillary Rodham Clinton, left, at the International airport in Tashkent, the capital of Uzbekistan, on Saturday, Oct. 22, 2011. © AP

Birinchi rasmda Klinton xonimning yonida kulib turgan kishi o‘sha vaqtdagi O‘zbekiston Tashqi ishlar vaziri Vladimir Norov hisoblanadi. Hozir bu kishi tashqi ishlar vazirining birinchi o‘rinbosarlaridan biri. Ikkinchi rasmdagi kulib turgan kishi 1994-2003-yillarda O‘zbekiston tashqi ishlar vazirligini boshqargan Abdulaziz Komilovdir. Hozir bu kishi ham tashqi ishlar vazirining birinchi o‘rinbosarlaridan biri hisoblanadi. O‘zbekiston tashqi ishlar vazirining barcha o‘rinbosarlari bilan vazirlik saytida tanishib chiqishingiz mumkin.

Birinchi farqni topdik. Shu, ikkinchisiga biroz shubhalanayapman: gul topshirayotgan qiz o‘shami yoki o‘zgarganmi? O‘xshayapti ham, o‘xshamayapti ham.

Nima bo‘lganda ham: "Xush kelibsiz, Klinton xonim!". :)
LinkLeave a comment

WWW.uz statistikasiga ishonmagan ma’qul, shekilli... [Oct. 6th, 2011|06:59 pm]
[Tags|, ]
[Current Location |Toshkent, Afrosiyob, 2]
[Current Music |Coldplay - Rainy Day]

Ushbu postni yozishni boshlagan vaqtimda "Afisha Media"ning Afisha.Uz sayti WWW.uz top-reytingida 24-o‘rinda turgandi. WWW.uz’ning statistikasi bo‘yicha Toshkent vaqti bilan 17:35da 3066 ta xost kirgandi.

Oxirgi vaqtlarda meni O‘zbekiston saytlariga qaysi mamlakatlardan ko‘proq kirishayotgani va, birinchi galda, o‘zbekistonlik sayt mehmonlari soni, hech bo‘lmasa foiz hisobida - qanchani tashkil etishi qiziqtirmoqda. Ko‘rsatmoqchi bo‘lganim muammoni, aslida, hozir "urug‘i" ko‘payib ketgan varez-saytlar orqali ko‘rsatib berishim ham osonroq, ham ta’sirliroq bo‘lardi. Ammo Afisha.Uz ancha sifatli, bundan tashqari, WWW.uz va LiveInternet hisoblagichlaridan boshqa — o‘z statistika sahifasiga ega bo‘lgan loyiha hamdir.

Afisha.Uz’ning statistika sahifasida saytga kirayotgan mehmonlarning qaysi davlatdan ekanligi diagramma ko‘rinishida ko‘rsatilgan. Bu natijalar qaysi muddatlarni qamrab olganini bilmayman, balki uch oy, balki bir yilnidir, ammo so‘nggi bir haftaniki ko‘rsatilganida ham hozirgisidan ko‘p farq qilmasa kerak, deb ishonaman. Xullas, Afisha.Uz’ning Google Analytics’ga asoslangan statistikasiga ko‘ra sayt mehmonlarining 80,4 foizi — Toshkentdan.



Endi Afisha.Uz’ning LiveInternetdagi statistikasiga e’tibor bering. Loyiha egalari statistika xizmatidagi "Mamlakatlar" bo‘limini yopib qo‘ygan, ammo, baxtimizga, sahifa ko‘rishlar (hitlar) soni bo‘yicha qaysi mamlakat birinchi o‘rinda turganini ko‘rish imkoniga egamiz. Toshkent vaqti bilan 17:50gacha Afisha’da 13,910 ta sahifa ko‘rilgan bo‘lsa, shundan 88,7 foizi O‘zbekistonga tegishli.



WWW.uz statistikasining "Mamlakatlar" degan xizmati yo‘q, ammo "Internet provayderlar" degan bo‘lim orqali o‘zbekistonlik va xorijlik tashrifchilar farqini bilib olish mumkin. Unda ko‘ra, birinchi o‘rinda 727 ta tashrif bilan "Xorijiy" ("Зарубежный") turibdi, keyingi o‘rinlardagi barcha o‘zbek provayderlaridan bo‘lgan kirishlar yig‘indisi 1340 tani tashkil etadi va umumiy natija bo‘yicha xorijnikidan o‘tib ketadi (shuni oson va bitta qilib, "O‘zbekiston" deb nomlab, xohlasa provayderlarini ko‘rsatsa bo‘ladigan qilib qo‘ysa bo‘lmasmikin?). O‘zbekiston provayderlarining ulushi foiz ko‘rsatkichida salkam 64 foiz - LiveInternetniki’dan 24 foizga, Google Analytics’ning natijalaridan esa 16 foizga kamroq, degani.



WWW.uz’dagilar "Afisha Media" va uning rahbari [info]Suren Sapovni yaxshiroq tanishsa kerak, ammo Sherlar.Uz degan, WWW.uz top-reytingida 10-o‘rinda turgan saytni yuritadigan Javohir ismli yigit unchalik yaxshi bilishmasa kerak.

Bu yigitni boshqa safar yaqindan tanitish uchun bundan qulayroq imkoniyat bo‘lar. Hozir esa o‘sha Sherlar.Uz’ning WWW.uz va LiveInternet’dagi natijalariga e’tibor qarating: bir-biriga teskari manzara, shunday emasmi?





Xuddi shunaqa manzarani boshqa varez-saytlarda ham ko‘rish mumkin. LiveInternet’ni "aqldan ozdiradigan darajada buyuk" statistika xizmati deb hisoblamayman, ammo u bizning — "mahalliy" "3 ta dabl-yu"imizdan yaxshiroq va, afsuski, ishonchliroq ekanligi ko‘proq ishonaman.

Men WWW.uz’ga emas, sifatlimi, sifatsizmi, asosiysi — o‘zbekcha, o‘zbek tilida sayt qilayotganlarga murojaat qilaman (kimdir eshitib qolar, balki): yo Afisha.Uz’ga o‘xshab Google Analytics ishlating yoki hech bo‘lmasa LiveInternet hisoblagichidan foydalaning. Aytmoqchi, WWW.uz hisoblagichi ham turaversin: keyingi yilgi internet-festivalda, balki, "milliy qidiruv tizimi"mizning versiyasiga ko‘ra o‘z yo‘nalishingizda Uznetning eng ommabop sayti bo‘lib qolishingiz mumkin. :)
LinkLeave a comment

Lorem ipsum dolor sit amet... [Oct. 4th, 2011|09:18 pm]
[Tags|, , ]
[Current Location |Toshkent, Muqimiy ko‘chasi, 178-uy]

O‘zDJTU, ingliz filologiyasi fakulteti darvozasidan chiqaverishda (kiraverishda desa ham bo’ladi, asli) ko‘rib qoldim.



Aytmoqchi, o‘sha tomonlarga qilgan safarimiz orqasidan bir hazil-tanlov boshlab qo‘ydik. Shokoladli vaflini yaxshi ko‘rasizmi? :)
LinkLeave a comment

navigation
[ viewing | most recent entries ]
[ go | earlier ]